Молитва о воскресной школе
Господи,
ты рекл еси божественными усты Твоими, еже пустити детей, и не возбранити им
приити к Тебе: сице молим Тя, Господи, о еже благословити доброе намерение
рабов Твоих о воскресной школе нашей, и устроити ю (сохранити ю) силою и
действом Пресвятаго Твоего Духа. Господи, пристави делу сему и делателем Ангела
Своего, еже невидимо отразити вся противная, и во всем благопоспешство, ко
устроению мудрость, и к совершению силу даруй: и благослови благодетели,
жертвователи, и труждающиеся зде, и воздаждь им благая Твоя. Низпосли в сердца
наша Духа премудрости и совета и страха Своего, и благопромышления Своего
присно сподоби нас. Господи Боже и Создателю наш, образом Своим Божественным
почтый нас человеки, открывый тайная младенцем своим: иже Соломона и всех от
века взыскующих премудрости Твоей научивый, отверзи сердца, умы и уста зде
учащих и учащихся, во еже преуспевающе премудростию, неотступно поспешати делы
благими, и совозрастати нам в Церковь Твою Святую верою и братолюбием, и
творити всеблагую и всесовершенную волю Твою. Аминь.